Donald Trump u shpall personi i vitit nga revista “The Time”. Presidenti i Shteteve të Ndara të Amerikës, është zgjedhur nga revista si personazhi më domethënës i vitit 2016. Vitin e kaluar Time zgjodhi kancelaren gjermane, Angela Merkel. “Eshtë një nder i madh, do të thotë shumë”, ishte komenti i parë i manjatit, sapo mori lajmin.
Motivacioni: Eshtë hera e 90-të (hera e parë ishte në vitin 1927) që nominojmë personin që ka pasur ndikimin më të madh, për mirë dhe për keq, në ngjarjet e vitit. Kështu është edhe këtë vit, më i miri apo më i keqi? Sfida për Donald Trump është sesa thellësisht vendi i tij është jo dakord me zgjedhjen”, shkruan e përjavshmja, duke kujtuar se “është e vështirë të masësh dimensionin e frakturimit” provokuar nga republikani, që do të hyjë në janar në Shtëpinë e Bardhë në vend të Barak Obamës.
“Përpara këtij baroni të pronave të paluajtshme dhe pronari kazinosh, shndërruar në një yll përmes televizionit në një “reality shoë” dhe provokatori që nuk ka kaluar asnjë ditë si zyrtar publik për të menaxhuar interesin e të tjerëve përveç të vetit, shtrihen rrënojat në tym të ngrehinës së madhe politike që dikur strehonte partitë, politologët, donatorët, sondazhistët, të gjithë ata që nuk e kishin marrë seriozisht e që nuk e kishin parashikuar mbërritjen e tij. Sipër këtyre rrënojave, Trump duhet të qëndrojë, për mirë ose për keq”.
Këtë vit, mes personaliteteve të tjera në garë, përveç presidentit të zgjedhur, ishte edhe rivalja e saj në sfidën e Shtëpisë së Bardhë, Hillary Clinton, që u konsiderua gruaja e parë “që pothuajse u bë presidente”, numri një i Kremlinit, Vladimir Putin, shefi i Facebook,
Mark Zuckerberg; presidenti turk, Recep Tayyip Erdogan; kryeministri indian, Narendra Modi. Por, në listë ishte edhe Nigel Farage, që si lider i UKIP, partisë britanike euroskeptike, drejtoi betejëne suksesshme të frontit Brexit.
Mes nominimeve edhe Beyoncè, një pop-star që është aktive në frontin politik me beteja si kundër diskriminimit rracor, dhunës policore dhe feminizmi. Kandidatët e fundit në listë janë shkencëtarët Crispr dhe në fund “Flint Whistlebloëers”, një grup qytetarësh privatë që kanë denoncuar ndotjen e ujit në qytetin e tyre, Flint në Miçigan, duke e bërë atë një çështje kombëtare.
Mes atyre që në të kaluarën kanë fituar kopertinën më të pritur të vitit janë papa Francesku në vitin 2013 dhe presidenti amerikan, Barack Obama, dy herë në vitet 2008 dhe 2012.
Në vitin 2006, u publikuar kopertina më e papritur e “Time”. Zgjedhja e çuditshme ishte me dedikimin: “ai që keni përpara”: si kurrë më parë, kopertina e revistës ishte një sipërfaqe reflektuese e kushdo që e merrte në dorë, shihte veten e vet brenda kuadratit dhe diçiturës “Njeriu i vitit”.
Askush, sipas “Time”, nuk kishte ndikuar më shumë në vitin 2006 sesa përdoruesit e zakonshëm të internetit, falë sajteve të tilla si YouTube, Wikipedia, MySpace, Flickr dhe revolucionit të uebit.
Përgatiti: Juli Prifti – /tesheshi.com/
