Pas një serie sulmesh ndaj Sorosit, ndërmarrë dhe nga zëra politikë në rajon, si dhe në Shqipëri nga segmente që janë pozicionuar kundër reformës në Drejtësi, ka sjellë dhe reagimin e parë nga organizata, apo ndryshe Fondacioni që mban emrin e njeriut themelues, manjatit hungarezo-amerikan, George Soros.
Shefja e zyrës së komunikimit pranë këtij organizmi, Laura Silber i tha rrjetit investigativ “BIRN” – një media kjo investigative që akuzohet po ashtu që punon për llogari të Sorosit – se sulmet janë përpjekje për të devijuar vëmendjen nga dështimi për të zgjidhur problemet kyçe si papunësia, korrupsioni dhe perspektiva e dobët ekonomike.
“Shoqëria civile luan një rol të rëndësishëm në kërkesën e llogarisë ndaj qeverive dhe në forcimin e demokracisë. Ne jemi krenarë që mbështesim organizata që punojnë për të përmirësuar jetët e njerëzve”, ka thënë znj. Silber.
Në Shqipëri, Soros është artikuluar së fundi me ironi nga eksponentë të LSI-së, ndërkohë qe dhe nga opozita, jo në nivel politik por mediatik, emri i tij është lakuar si i padëshirueshëm, sidomos pas përfoljeve se reforma në Drejtësi është punë e tij. /tesheshi.com/
