Ushqimet e skuqura janë të preferuarat e fëmijëve, por edhe të rriturit nuk ngelin pas. Megjithatë, të gjithë e dimë shumë mirë se këto lloj ushqimesh janë tepër të dëmshme për organizmin, veçanërisht nëse skuqen në mënyrën e gabuar. Më poshtë gjeni disa këshilla se si të gatuani ushqim të shijshëm dhe të skuqur njëkohësisht, që nuk është i dëmshëm për organizmin.
Përdorni vaj në masë të bollshme
Në këtë mënyrë nuk ulet tepër temperatura e vajit kur hidhni ushqimet.
Thajini mirë para se t’i konsumoni
Kjo nevojitet për të eliminuar yndyrën e tepërt. Sapo t’i hiqni nga vaji, kullojini pak dhe vendosini për pak minuta në një letër thithëse pa i mbuluar.
Lëreni gjalpin të kthjelltësohet
Para se të skuqni me të, shkrijeni në banjomari, duke e filtruar për të eliminuar dhe papastërtitë.
Skuqni copa të vogla për të përshpejtuar gatimin
Është shumë e rëndësishme që të mos gatuani njëherësh copa të mëdha dhe kthejini shpesh.
Hedhja në tigan në momentin e duhur
Pa termostat dhe termometër si ta dimë që vaji është i nxehtë mjaftueshëm? Mjafton të hidhni brenda një copë bukë: nëse piqet menjëherë me pikla vaji që “fluturojnë” do të thotë që është gati./tesheshi.com/
