Një tjetër vdekje misterioze në Moskë

Një tjetër vdekje në Moskë është e mbuluar me mister. Shumë pyetje mbeten për t’u përgjigjur menjëherë pasi një zv/presidente 28-vjeçare e një banke ruse vdiq pasi u rrëzua nga dritarja e një apartamenti.

Skena misterioze në kryeqytetin rus ka nisur të bëjë xhiron e internetit, me rrethanat në të cilat u shua zyrtarja e lartë e Loko-Bank, Kristina Baikova, ende të paqarta.

Sipas informacioneve të mediave ndërkombëtare, e reja ka qenë me një mik në banesën ku jeton në Moskë kur ka rënë nga dritarja më 23 qershor.

Konkretisht ajo ndodhej në katin e 11-të të një pallati me 34-vjeçarin Andrei.

Ai ka deklaruar para Autoriteteve se Kristina e ka ftuar në shtëpinë e saj, por rreth orës 03:00 të mëngjesit, 28-vjeçarja ka dalë në ballkon dhe ka rënë.

Andrei më pas thirri një ambulancë, por tashmë ishte tepër vonë pasi Christina kishte dhënë shpirt.

Vihet re se 28-vjeçarja ka punuar në Moscow Credit Bank përpara se të merrte detyrën e zëvendëspresidentes në Loko-Bank.

Vdekja e saj risjell kujtimet e një viti më parë, të kreut 64-vjeçar të gjigantit rus të naftës Lukoil, Ravil Maganov, i cili “ra nga dritarja e spitalit”. Ndodhi kjo pasi ai kishte kritikuar vendimin e Kremlinit për të pushtuar Rusinë. /tesheshi.com/