Portugezi Cristiano Ronaldo dhe Real Madrid u shpallën si “Futbollisti” dhe “Klubi i Shekullit” në Globe Awards në Dubai.
Ronaldo u emërua “Futbollisti i Shekullit” duke marrë më shumë vota se argjentinasi Leo Messi, Mohamed Salah dhe Ronaldinho. Këto çmime lidhen vetëm me 20 vitet e para të këtij shekulli.
“Nuk mund të isha më i lumtur, Globe Award për “Futbollistin e Shekullit” do të madhërojë vitin tim të 20-të që kur u bëra profesionist i futbollit. Falënderoj familjen mbretërore të Dubait, si dhe të gjithë tifozët në të gjithë botën nga të cilët mora mbi 21 milion vota,” tha sulmuesi i Juventusit.
Real Madrid është emëruar “Klubi i Shekullit” për gjashtë tituj Champions, duke u vlerësuar mbi Barcelonën dhe Bayern-in.
Pep Guardiola u zgjodh si “Trajneri më i mirë i Shekullit”, duke lënë pas Zinedine Zidane, Jose Mourinho dhe Alex Ferguson. /tesheshi.com/
