Në mediat amerikane, tema e vaksinimit kundër COVID-19, në ligën NBA, po bëhet më e gjerë dhe më e nxehtë çdo ditë.
Fillimi i sezonit po afrohet, por një numër basketbollistësh, të cilët kundërshtojnë publikisht vaksinimin, po nxisin një atmosferë tensioni.
Kyrie Irving dhe Andrew Wiggins, basketbollistë nga Brooklyn dhe Golden State, janë yje të mëdhenj të ligës NBA, por edhe kundërshtarë të ashpër dhe më të zhurmshëm të vaksinimit. Gjithashtu thuhet se deri më tani rreth pesë përqind e numrit të përgjithshëm të basketbollistëve nuk kanë marrë (dhe nuk duan) vaksinën, ndaj dhe Kareem Abdul-Jabbar, ndër të tjera, u bëri thirrje atyre.
“Ajo që ka rëndësi është që njerëzit të mos vdesin. Jetët janë në rrezik dhe vaksina na ndihmon”, është thelbi i asaj që thotë legjendari Abdul-Jabbar.
Dezinformatat janë kudo rreth nesh
“Kjo nuk është lojë. Këtu duhet të kemi një kuptim të mirë të asaj që po ndodh përreth nesh. Nuk është aspak e vështirë të marrësh informacionin që të nevojitet. Shpëtoni jetën tuaj, mos e kaloni sëmundjen tek dikush i afërt dhe mbajini ata që doni. Në të njëjtën kohë, vaksina ndihmon”.
Në një intervistë për YahooSports, Abdul-Jabbar shtoi:
“Dezinformimi është rreth nesh. Ata kanë çuar në faktin se sot ne kemi një ndarje dhe se disa nuk e dinë se për çfarë po flasim këtu”. /tesheshi.com/
