Kjo recetë franceze ka lindur si një supë për të varfrit, por tashmë është pjesë e menyve të Parisit. Është e këshillueshme të përdoren qepë të vogla të verdha. Mund të përgatitet edhe më parë dhe të ngrohet përpara se të konsumohet. Linda Fishta shprehet se gjithë sekreti i saj është se duhet të ziejë ngadalë, ndërsa shton se këtë recetë ia ka dhënë një mikja e saj franceze.
Përbërësit për 4 persona:
500 gr qepë të vogla të verdha
1 litër lëng zarzavatesh
100 gr bukë
100 gr djathë emental ose djathë tjetër që shkrihet
Kripë, piper
Përgatitja:
Qërojmë, lajmë dhe ndajmë qepët në feta të holla. I vendosim në një tenxhere të madhe me gjalpin dhe i skuqim me flakë të ulët për disa minuta, deri sa të jenë zverdhur.
Shtojmë miellin, i skuqim për pak minuta, i përziejmë mirë dhe shtojmë lëngun e zarzavateve. I lëmë të ziejnë për 30 minuta në flakë të ngadaltë. U hedhim kripë dhe piper.
Ndërkohë ndezim furrën në 200 gradë. Hedhim supën nëpër tasa që durojnë nxehtësinë e furrës, vëmë në çdo tas copat e bukës (sipër supës), hedhim djathin e grirë sipër dhe i kalojmë në grilë për disa minuta në furrën me 200 gradë. Në mungesë të këtyre tasave, mund të hedhim një pjesë të djathit të grirë te supa akoma e nxehtë; pjesën tjetër të djathit e hedhim mbi fetat e bukës dhe, së bashku me djathin, kalohen në furrë për disa minuta derisa buka të jetë thekur. /tesheshi.com/
