Ka disa persona, të cilët, në të kundërt nga shumica që kërkojnë të dobësohen, vuajnë për tu shëndoshur dhe pse jo, për ta bërë këtë në mënyrë të shëndetshme, pa marrë kilogramë e kalori të kota, të cilat ndikojnë negativisht në organizëm.
Dietologia Blerina Bombaj këshillon që për tu shëndoshur shëndetshëm, nevojitet një mëngjes i bollshëm dhe këtë mund ta bëni duke konsumuar krepa me limon, mjaltë dhe fruta të thata. Sipas dietologes, është ushqim i mirë për energji dhe i shijshëm.
Çfarë ju duhet:
1 ¼ gotë qumësht
1 gotë miell integral
2 vezë, të ndara
2 lugë të vogla lëeure limoni
3 lugë të mëdha mjaltë
½ gotë lëng limoni
Përgatitja:
Përzieni qumështin me miellin, të verdhat e vezëve dhe lëkurën e limonit dhe i lini rreth 30minuta të rrinë. Rrihni të bardhat e vezëve dhe i shtoni te përzierja e parë.
Vini një tigan gize ose inoksi në zjarr dhe i hidhni pak gjalpë të freskët ose vaj ulliri. Hidhni 2 lugë të mëdha për çdo krep dhe rrotulloni tiganin që të formohet një shtresë e hollë. I gatuani nga të dyja anët. Kështu gatuani të gjitha krepat një nga një.
Në një xhezve vini mjaltin dhe lëngun e limonit dhe i vini në zjarr.
I shërbeni krepat me mjaltin.
Për më shumë kalori i kombinoni me fruta thara, bajame ose arra./tesheshi.com/
