Torta e ftohtë me limon është një ëmbëlsirë e cila përgatitet me një bazë biskotash të mbuluara me rikotë (gjizë pa kripë) dhe nga një sipërfaqe xhelatinë me limon. Ja si ta pregatisni këtë ëmbëlsirë verore.
Për bazën
250 gramë biskota
120 gramë gjalpë
Për kremin
600 gramë rikotë
150 gramë sheqer
8 gramë xhelatinë peshku
Lëng i freksët limoni
Për pjesën e mbulimit
4 gramë zhelatinë peshku
Lëngun e një gjysmë limoni
100 ml ujë
3 lugë sheqer
Disa pika ngjyrues ushqimor i verdhë
Procedimi
Shkërmoqni biskotat dhe i bashkoni me gjalpin e shkrirë. Më pas i përzieni mirë deri sa të bëhen një masë e vetme të dy përbërësit. Lyeni me gjalpë pjesën e poshtme të një ene me diametër 22 cm dhe më pas filloni të vendosni me kujdes biskotat në pjesën e poshtme dhe vendosini në frigorifer për 30 minuta.
Përzieni rikotën me sheqer dhe pak lëng e lëkurë limoni. I trazoni mirë deri sa të bëhen një masë kremoze. Vendosni në ujë të ftohtë xhelatinën dhe për ta rregulluar përziejeni me ujë të ngrohtë apo me pak qumësht. Shtoni në të rikotën dhe biskotat.
Futeni tortën në frigorifer dhe në të njëjtën kohë nisni përgatitjen e mbulimit. Fusni xhelatinën në ujë të ftohtë. Në një tigan vendosni 100 ml ujë, lëngun e limonit, sheqerin dhe lërini të ngrohen me flakë të ulët. Hiqni ujin nga zjarri dhe bashkoni xhelatinën me pjesën tjetër të përziejes si dhe shtoni disa pika ngjyrosës të verdhë, për t’i dhënë më shumë ngjyrë limoni. Hidhni xhelatinën mbi tortë dhe lëreni në frigorifer për tre orë./tesheshi.com/
