Në qytetin Flint, në Michigan është prezantuar një kandidat për kryetar bashkie shumë i veçantë. Kandidatura e tij është duke bërë xhiron e rrjetit për faktin e thjeshtë se Giggles, ky është emri i ti, është një derrkuc dhe është futur në garën për kryetar bashkie.
Ai ka mjaft fansa dhe ndjekës në faqen e tij të Facebook. Kjo ide kaq e pazakontë i ka ardhur pronarit të tij në formë proteste ndaj kryebashkiakëve të tjerë që sipas tij, nuk kanë punuar për qytetarët por për veten e tyre.
Siç mund të shikoni, bëhet fjalë për një qytet të ngjashëm me shumë qytete tona në Shqipëri, Maqedoni e Kosovë, ky qytetari i parë i bashkisë nuk punon për komunitetin por për interesat e veta.
Në Flint, kryebashkiaku i parë u dënua për vrasje, ndërsa i dyti për drejtim makine në gjendje të dehur.
Qyteti Flint është deklaruar si qyteti më i rrezikshëm në Shtetet e Bashkuara të Amerikës, sipas një klasifikimi të bërë në Forbes, me një nivel të lartë të kriminalitetit dhe dhunës ndaj femrave. Qytetarët, të cilët janë të tronditur nga ngjarjet që ndodhin çdo ditë në Flint dhe veçanërisht tepër të zhgënjyer nga kryebashkiakët e kaluar, mbështesin kandidaturën e Giggles, duke thënë se ‘është më i mirë se njerëzit’.
Pronari i Giggles e prezanton kafshën si kandidatin ideal për qytetin e tij të pafat dhe shprehet se derrkuci nuk ka precedentë penale, do të mbrojë dhe të dalë në krah të policisë dhe nuk rrezikon të shpërdorojë fondet publike.
Nuk kanë munguar polemikat nga ana e kandidatëve kundërshtarë të derrkucit në këtë garë si dhe ironizimet në lidhje me politikën dhe urdhrat që mund të japë ky kryebashkiak i mundshëm në të ardhmen. Nuk është e thënë që derrkuci të arrijë të bëhet ndonjë herë kreu i bash,kish, duke qenë se sipas ligjeve parashikohet që qytetari i parë duhet të jetë një person me të drejtë vote, por qëllimi i protestës është tërheqja e vëmendjes në lidhje me problematikën që ka ky qytet në Michigan. /tesheshi.com/
