Ajo ishte thjesht një rritesh bagëtish dhe kafshësh në një fermë në Kolorado dhe dashuria e vetme që kishte ishin makinat e garës dhe ato sportive, por pas një aksidenti ku u dëmtua në kokë dhe humbi kujtesën, arriti të zgjohej si një gjeni i artit, gjeometrisë dhe poezisë.
47-vjeçarja Leigh Erceg nuk kujton asnjë gjë nga e kaluara e saj dhe sipas mjekëve, rasti i saj është shumë i veçantë, për të mos thënë i vetmi në botë.
Dëmet e pësuara në tru i kanë shkaktuar gruas atë që njihet si Sindroma Savant, e njohur edhe si sindroma ‘e zgjuarsisë’, e cila është sëmundja që u njoh nga të gjithë falë Dustin Hoffman në filmin “Rain Man”. Kjo sindromë i bën ‘viktimat’ e saj tepër të aftë në një fushë të caktuar.
Leigh ka marrë zgjuarsi në art dhe në matematikë. “Tani unë shikoj zhurma dhe dëgjoj ngjyra kur luhet muzikë’,- thotë gruaja në një intervistë për ABC.
Ajo është shndërruar në një poeteshë dhe piktore, ndërsa muret e fermës së saj janë pikturuar jo vetëm vizatime, por edhe formula matematikore dhe dizajne gjeometrike.
“Leigh është femra e vetme në botë që ka fituar në moshë të rritur këtë sindromë që vjen si pasojë e një dëmi në tru”,- ka shpjeguar neuroshkencëtari që ndjek rastin e saj. /tesheshi.com/
