Prefekti i VMRO-DPMNE-së i komunës së Kriva Palankës, Arsence Aleksovski po trondit Maqedoninë. Ai në hyrje të komunës po ndërton një kishë të madhe me qëllim që qyteti të jetë monoetnik dhe monofetar maqedonas i besimit ortodoks, dhe cdo pjestarë i besimit tjetër do të kundërshtohet deri në vdekje.
Aleksovski ka deklaruar publikisht se deri sa jetë në postin e kryetarit të komunës së Kriva Pallankës, asnjëherë në këtë qytetet nuk mund të ndërtohet xhami ose ndonjë objekt tjetër fetar.
Aleksovki është këmbëngulës se në Kriva Pallankë do të ndërtohen vetëm kisha, edhe atë një kishë para godinës së komunës ku besimitarët ortodoks pasi të lidhin kurorë do të mund të ndezin qiri.
“Unë deri sa të jem kryetar komune nuk do lejoj të ndërtohen objekte tjera fetare përvec kishave”, ka deklaruar ai në fjalimin para këshilltarëve komunalë, i pyetur se si është e mundur që para Komunës të ndërtohet vetëm kishë .
Ndryshe, Maqedonia është shtet sekular, ku shteti është i ndar nga religjioni. Rasti i prefektit të VMRO-DPMNE-së pritet të ngjallë reagime të shumta, për shkak se në të ardhmen, me plot legjitimitet shqiptarët në Maqedoni mund të kërkojnë të ndërtohen xhamia në oborrin e 16 komunave të Maqedonisë. Kur mund mundet në Kriva Pallankë, pse nuk mundet në Çair, Tetovë dhe Gostivar, shkruan Zhurnal.
Ndryshe, edhe në komunën e aerodromit në Shkup, “Ivica Konevski”, në vendbanimin Licice ku jetojnë mbi 2 mijë shqiptarw, prefekti i komunës nuk lejon që të ndërtohet xhami. /tesheshi.com/
