Partia Për Ripërtrirjen e Maqedonisë (DOM) mbrëmë ka vendosur braktisjen e koalicionit qeveritar. Kryetarja e kësaj partie Liljana Popovska kohëve të fundit nuk ishte pajtuar me politikat qeveritare sidomos për krizën politike në Maqedoni.
Siç mësohet kryesia e kësaj partie, e cila ka një deputet dhe disa poste qeveritare ka vendosur që të braktisë koalicionin qeveritar me VMRO-DPMNE pas ngjarjeve të mbrëmshme në Shkup, me përshkallëzimin e protestave dhe dhunën e ushtruar të policisë ndaj protestuesve.
Mbrëmë në sheshin para qeverisë së Maqedonisë është zhvilluar një miting i madh qytetar që ka kërkuar largimin e qeverisë. Situata ka qenë e tensionuar dhe policia ka bërë arrestime të shumta ndaj pjesëmarrësve.
policia ka përdorur gaz lotësjellës dhe topa uji kundër protestuesve.
Një pjesë e potestuesve janë shpërndarë para Qeverisë, pasi që qeveria ka ushtruar dhunë ndaj tyre. Është informuar për të plagosur në mesin e protestuesve, të cilët nuk janë larguar nga gazi lotësjellës dhe topat e ujit të forcave speciale.
Numri i protestuesve ka qenë mjaft i lartë dhe ata kanë thirrur ‘dorëheqje të Qeverisë’, ‘vrasës’, ‘Gruevski ik’.
Njësitet speciale kanë qenë me numër të shtuar para Qeverisë, ndërsa forca të mëdha policore janë vendsur në disa pika të kryeqytetit të Maqedonisë.
Një pjesë e protestuesve në shenjë proteste kanë hedhur vezë në drejtim të ndërtesës qeveritare. Protestuesit kanë valvitur edhe pankarta me slogane antiqeveritare, por në protestë është parë edhe valvitja e flamurit shteëror dhe flamurit shqiptar.
Protestuesit gjithashtu i bëjnë thirrje policëve që t`i bashkëngjiten protestës dhe revoltës së tyre.
