Një nëntetëse e gjetur në ujrat territorial të Suedisë ka trazuar autoritetet e sigurisë kombëtare të Suedisë. Nga të dhënat e para mësohet se ajo është nëndetëse ruse, e madhësisë së vogël e njëjtë me mjetet nëndetare që përdoren për misione kryesisht zbulimi.
Siç bën të ditur BBC, polumbarët theksojnë se bëhet fjalë për nëndetëse ruse pasi shkronjat mbi mjet janë cirilike. Rusia është fqinji detar lindor i vendeve skandinave.
Siç mësohet nëndetësja është gjetur vitin e kaluar por vetëm sot pas kërkimit nga një kompani e specializuar janë dalluar shkronjat mbi pjesën e jashtme të mjetit zhytës.
Sot ushtria e vendit nordik tregohet më e rezervuar duke thënë se, është ende herët të dilet në përfundimin që mjeti të jetë një nëndetëse.
Zëdhënësi Jesper Tengroth deklaroi se, “do të ishte më mirë të dilnim me fakte sesa spekulime”. Nëndetësja është e gjatë 20 metra dhe 3.5 metra të gjerë.
“Ende nuk dihet sesa i vjetër mjeti i gjetur është dhe prej sa kohësh ndodhet në det, por gërmat e sllavishtes së vjetër në lëvore tregojnë se është ruse”, thuhet në deklaratën e kompanisë që po merret me identifikimin e saj.
/tesheshi.com/
