Nga Blerim Kore
Dhe pak e tek Uji i Ftohtë në Tepelenë, bëhet një gjurrulldi automjetesh e njerëzish, që lëvizin lart e poshtë, shumë dhe për arsye turizmi duke zbritur jugut, detit. Ai shtë ndër vendet më shplodhëse, ku sidomos gjatë verës, edhe me thjesht një vështrim freskohesh, e jo më të pish apo të hedhësh një grusht ujë të ftohtë fytyrës.
Në mjedisin e kësaj… le ta themi shkoqur, pike turistike të pashpallur port ë vetëvetishme, ndihet fëshfërimat e degëve të rrepeve shekullore dhe ujrave të kristalta që rrjedhin nga lartësitë e kodrës duke krijuar ujëvara të vogla. Pejsazh piktoresk, rrepe shekullore hijerëndë është pamja që të ofron pika turistike e Ujit të Ftohtë pranë qytetit të Tepelenës. Lokalet e shërbimit janë gërshetuar në mënyrë harmonike me pejsazhin përreth duke krijuar një vend çlodhës për udhëtarët dhe pushuesit.
Një kafe pushimi
Pika turistike e Ujit të Ftohtë ndodhet anës rrugës kombëtare Tepelenë-Gjirokastër. Me hijeshinë e natyrës piktoreske ajo i fton udhëtarët që për disa minuta të shijojnë një kafe pushimi mes hijeve të rrepeve dhe gurgullimës së ujrave të kristalta. Magjia e natyrës piktoreskev iu heq si me dore lodhjen udhëtarëve që rrugëtojnë në rrugën kombëtare një pjesë e së cilës përvijohet gjatë gjithë sipërfaqes së parkut.
“Kemi disa orë që udhëtojmë nga Tirana për në Gjirokastër”, thotë nje prej udhëtarëve i cili po shijon kafen e pushimit në njerin prej lokaleve të këtushëm. Vështrimi i tij lëviz sa nga një ujvarë e vogël ujrat e së cilës gurgullojmë zhurmshëm aq edhe në blerimin e zonës përreth. “Sa herë udhëtoj me makinë e kam bërë zakon që të pi një kafe këtu në Ujin e Ftohtë dhe pushoj pak- vijon ai. Është një mjedis me të vërtetë i bukur”. Gjatë gjithë ditës nën hijen e rrapit shekullor, në zonën ku ndodhen lokalet, të zë syri një numër të madh automjetesh të parkuara.
Megjithëse ato mbajnë targa të ndryshme, madje edhe të shteteve të tjera, sërish udhëtarët kanë një dëshirë të vetme, të shijojnë natyrën e qetë dhe pejsazhin piktoresk për të larguar disi stresin dhe lodhjen e udhëtimit. “Jemi një grup gjimnazistësh që po shkojmë për në Sarandë”, thotë një i ri nga qyteti i Fierit që së bashku me shokët e tij të udhëtimit është ulur në një tavolinë në verandën e lokalit.
“Pamja me të vërtet këtu qenka kaq e bukur dhe mendoj se ishte një pushim i veçantë”, përfundon ai. “E mira s’ka fund kurrë por me thënë të drejtën ne jemi të kënaqur nga lëvizja e njerëzve këtu”, thotë Arshiu, një tregëtar ambulant i cili u ofron udhëtarëve pije të ndryshme freskuese.
Por ka edhe nga ata udhëtarë që ndalojnë thjesht për tu freskuar në burimet e kristalta dhe me ujin “brisk” për të vazhduar më pas udhëtimin në drejtim të Gjirokastrës, Kakavijes apo Sarandës.
Potenciali turistik
Me kalimin e viteve parku i Ujit të Ftohtë është kthyer edhe në një pikë e cila me natyrën dhe cilësinë e shërbimit që kanë lokalet e këtushme ofron potenciale për zhvillimin e turizmit në këtë zonë. “ Sa vjen edhe bëhet më i madh numri i vizitorëve të cilët nuk ndalojnë thjesht për të pirë një kafe pushimi por vijnë enkas për të kaluar disa orë çlodhjeje këtu”, thotë Landi, nje kamarier i cili punon në njerin prej lokaleve të këtushme. Arkitektura e tyre, e cila përshtatet mjaft mirë me pejsazhin përeth, i bën këto mjedise edhe më tërheqës për vizitorët dhe klientët. “Ne mundohemi që t’iu ofrojmë klientëve një shërbim sa më bashkëkohor”, vijon kamarieri ndërkohë që plot elegancë servir porosinë e rradhës në njerën prej tavolinave të shtruara hijshëm.
Tashmë Uji i Ftohtë është kthyer në një pikë të preferuar për udhëtarët madje edhe për grupet e pushuesve. Dhe duket se përfitimet e turizmit kanë filluar ti ndiejnë të parët bizneset e kësaj zone. Numri i tregëtarëve ambulantë në zonën e parkut natyror sa vjen dhe rritet ndërkohë që edhe lokalet gjithmonë e më tepër rrisin cilësinë e shërbimit për klientët. Por ndërkohë duket se edhe problemet në këtë drejtim nuk mungojnë. Pjesa e poshtme e rrugës kombëtare në këtë zonë është kthyer në një kazan mbeturinash ku udhëtarët hedhin ka kriter mbetje të ndryshme duke shëmtuar kështu bukurinë natyrore të parkut.
Profili mjedisor i Ujit të Ftohtë
Parku Natyror i Ujit të Ftohtë ka marrë një emër të tillë sepse zona është e mbizotëruar nga burime natyrore-shkëmbore ku uji rrjedh gjithmonë i ftohtë dhe i pastër. Burimi del në pjesën e sipërme të shpatit të majtë të luginës së lumit Drino në kontaktin e shkëmbinjve gëlqerore me ata flishore. Sipas ambjentalistëve, ujërat e reshjeve atmosferike që bien në pjesën lindore të malësisë se Kurveleshit (Buza e Bredhit), nëpërmjet zgavërimeve e shpellave karstike, depërtojne në thellësi të shkëmbinjve gëlqerore dhe ushqejnë këtë burim.
Falë pasurisë me ujra nëntokësore të kësaj zone në Ujin e Ftohtë marin jetë dhjetra burime të kristala të cilët “ushqejnë” rrjedhën e lumit Vjosë.Shpati ku del burimi ështe i veshur me bimësi natyrore të dushkut dhe shkurreve. Parku natyror i Ujit të Ftohtë përbëhet nga një bimësi mjaft e pasur e llojeve të ndryshme. Krahas shkureve në të mbizotron edhe druri i rrapit apo edhe shelgu. Në afërsi të luginës, drurët e rrepeve janë mjaft të rritur. Ndërkohë përgjatë sipërfaqes së parkut natyror hasen edhe gjallesa dhe kafshë të ndryshme tipike për këtë zonë. Uji i Ftohtë në Tepelenë ka vlera shkencore (hidrologjike, gjeomorfologjike), estetike e turistike. /tesheshi.com/
