Në maj të vitit 2020, shkencëtarët zbuluan meteoritin më të vjetër me origjinë vullkanike në pjesën algjeriane të Saharasë.
Ai e ka origjinën nga një protoplanet që u formua në miliona vitet e para të sistemit diellor ose para se të formohej Toka.
Një meteorit i quajtur Erg Chech 002 ra në zonën e Algjerisë Jugore “rreth 100 vjet më parë”, tha gjeokimisti Jean-Alix Barrat i Universitetit të Brest.
Ai kohët e fundit publikoi rezultatet e studimit në Procedurat e Akademisë Amerikane të Shkencave, raporton AFP.
Shkencëtarët francezë dhe japonezë, duke analizuar në thellësi përbërjen dhe moshën e meteoritit të gjetur, vërtetuan se Erg Chech 002 është rreth 4.6 miliardë vjet i vjetër dhe se është shembulli më i vjetër i njohur i magmës nga hapësira.
Analizat treguan se meteoriti ishte ndoshta pjesë e kores së një objekti të njohur si protoplanet, një trup i madh shkëmbor që supozohej të bëhej një planet.
Meteori dikur ishte një llavë, por u ftoh dhe u shndërrua në një objekt të fortë për një periudhë prej 100,000 vjet.
Barrat tha se ka zyrtarisht 43 copë meteoritet, disa të mëdha sa një grusht.
Ai shtoi se menjëherë e kuptoi se kjo ishte shumë e pazakontë pikërisht për shkak të origjinës së tyre vullkanike.
Shumica e meteoritëve shkëmborë të zbuluar në Tokë përbëhen nga një lloj tjetër shkëmbi vullkanik, i njohur si bazalt.
Ata vijnë nga burimet me kore bazalti që janë plot me hekur dhe magnez, dhe përbërja kimike e pjesëve që gjenden në Sahara është e pasur me dioksid silici.
Kolegët dhe bashkëautorët e studimit të Barrat, Marc Chaussidon nga Instituti i Fizikës në Paris dhe Johan Villeneuve, një studiues nga Universiteti i Loreinës, thanë se, sipas llogaritjeve të tyre, ai u formua në miliona vitet e para të sistemit diellor.
Shkencëtarët thonë se ky është një ekzemplar me të vërtetë i rrallë, sepse protoplaneta origjinale u “gllabërua” nga planetët e tjerë gjatë formimit të sistemit diellor. /tesheshi.com/
