Një mesazh i qartë ka ardhur nga SHBA për opozitën shqiptare, më saktë PD-në, se cilën pjesë të saj njeh Uashingtoni.
Është deputetja Jorida Tabaku e krahut Basha, pra PD-së zyrtare, e cila ka pozuar gjatë një vizite në SHBA me ish-ambasadoren e SHBA në Shqipëri Yuri Kim dhe me të dërguarin e SHBA-së për Ballkanin Perëndimor, Gabriel Escobar.
“Kënaqësi të takohem me Yuri Kim dhe Gabriel Escobar me të cilët pata një bisedë mbi rrugëtimin e Shqipërisë në Bashkimin Europian, forcimin e marrëdhënieve ekonomike dhe luftën kundër korrupsionit. Aleanca dhe partneriteti mes vendeve tona janë guri i themelit për një Shqipëri demokratike, ku respekti ndaj sundimit të ligjit është jetik për të ardhmen që duam të ndërtojmë”, shkruan Tabaku në rrjetet sociale, gjithsesi një figurë jo dhe aq imponuese në politikë, por të paktën korrekte dhe jo anektodike në sjellje politike.
Ndërsa kolegu i saj krejtësisht anektodik Gazmend Bardhi, as që u përfill në nivelet e larta të politikës amerikane gjatë një vizite në SHBA ditët e fundit, ku morri pjesë në Mëngjesin e Lutjeve, një prani që me çfarë u duk, ia kishte mundësuar Fatmir Mediu, i abonuar prej vitesh në eventin e njohur amerikan. /tesheshi.com/
