Hysen Memolla mund të jetë “një askush” që do të ketë shansin t´a njohin të gjithë shqiptarët. Mbrojtësi i majtë i Hajdukut të Splitit, mund të jetë afrimi më i ri në Kombëtaren shqiptare, që shumë shpejt do të shpallet nga trajneri Kristian Panuçi.
24-vjeçari ka bërë figurë shumë të mirë në kampionatin kroat dhe ka rënë në sy të vëzhguesve të dërguar nga drejtuesit kuq e zi.
Mbrojtësi mëngjarash mund të shihet si pasardhës i Ansi Agollit në Kombëtare.
Edhe pse lista “Panuçi” do të publikohet pas 5 ditësh, mediat kroate kanë shkruar se Memolla do të vihet në dispozicion të trajnerit të përfaqësueses së Shqipërisë, për 2 ndeshjet e rradhës, kundër Lihteshtejnit dhe Maqedonisë.
Në fakt, mediat në Split, mbase “kanë patur hallin e tyre” që mbrojtësi shqiptar do të mungojë në ndeshjet e Hajdukut, por ndërkohë na kanë dhënë një lajm të ri, për një tjetër futbollist që mund të ketë privilegjin të veshë fanellën kuq e zi. /tesheshi.com/
