Për shkak të punës ose angazhimeve që mund të kemi pasur gjatë ditës shpesh herë ndjejmë edhe lodhjen. Në raste të tilla në mendje na shkon menjëherë ideja e konsumimit të një kafeje, por në fakt më e mira për shëndetin është që t’i shërbejmë vetes me një gotë lëng portokalli.
Sipas një studimi të realizuar nga Readin University ku morën pjesë 24 djem të rinj të cilët u testuan në ditë të ndryshme u arrit në përfundimin se ata që pinë lëng portokalli në mëngjes janë më të kthjellët dhe më energjikë në mesditë.
Në njërën prej ditëve, ata kishin pirë lëng prej portokalli të freskët kurse në një tjetër ata kishin konsumuar pije me shije portokalli, por me sheqer dhe ujë. Kur e kishin pirë lëngun prej portokalli, ata kishin dalë më mirë në teste, ishin më të shpejtë dhe më të vëmendshëm.
Edhe në pjesën tjetër të ditës ata ishin shumë më të freskët dhe më të kthjellët. Studimi thotë se efekti i tillë i portokallit vjen për shkak se përmban disa elemente të cilat janë të nevojshme për funksionimin e njeriut./tesheshi.com/
