Sulmuesin spanjoll të skuadrës së Chelsea-t, Diego Costa-n, e kanë lëshuar nervat, pasi pas ndeshjes së humbur ndaj Stoke City-t, ai ka goditur njërin nga anëtarët e sigurimit brenda tunelit që dërgon në dhomat e zhveshjes.
27 vjeçari është i njohur për incidentet e shumta të krijuar që nga koha kur erdhi në Premier Ligën angleze të Futbollit. Së fundmi ai pati një tjetër përleshje me lojtarin e Arsenalit, Gabriel Paulista, me ç’rast pas pamjeve televizive, Costa u dënuar me tre ndeshje që të mos luajë.
Tani, spanjollin e natyralizuar e pret një tjetër dënim, pasi gjyqtari i ndeshjes në procesverbal ka shkruar se futbollisti me numër 19 i Chelsea-t, Diego Costa ka goditur njërin nga anëtarët e sigurimit të stadiumit. /tesheshi.com/
