Ish-kampioni i botës, braziliani Rivaldo ka vendosur t’i varë këpucët në gozhdë duke lajmëruar kështu fundin e karrierës së tij futbollistike. 43- vjeçari po pensionohet në klubin brazilian Mogi Mirim, skuadër në të cilin ka lënë një pasardhës, djalin e tij Rivaldo Jr.
Sulmuesi veteran që nuk po dinte të lodhej ka vendosur më në fund të pushojë. Një lëndim në gjurin e djathtë i ka pamundësuar atij të jetë ende i pranishëm brenda fushave jeshile, kështu që ka vendosur t’i japë fund karrierës së gjatë futbollistike.
Rivaldo ishte fitues i topit të artë në vitin 1999, deri sa në të kalurën ishte pjesë e skuadrave të njohura botërore, Barcelona, Milan, Deportivo La Coruna, Olympiacos, AEK Athens, Cruzerio, Palmerias, Corinthias, Cruzerio, Santa Cruz, Sao Caetano, Mogi Mirim, San Paolo, Bunyodkor Tashkent dhe Kabuscorp. /tesheshi.com/
