Saimir Tahiri, në rrethana të vështira burgu, ka humbur të atin, të cilit nga pas hekurave i ka dedikuar disa rreshta me shkrim dore.
Me sa nxitim e more këtë rrugën e fundit dreqin.
Të ndritë shpirti atje lart!
Mua me bëre dhuratën më të madhe ndonjëherë, më bëre burrë.
Dhe rri i qetë andej, mos u mërzit më. Qesh e gëzohu siç bëje këtu me ne.
Sa here bëhesha gati po nuk ta thoja dot se më vinte zor, por ja po ta them tani që nuk më degjon më:
Të dua shume Ba!
Të duam të gjithë shumë shoku Bashkim.
Përgjithmonë!
Kujtojmë se kjo gjëmë familjare për ish-ministrin socialist ndodh ndërsa ai është në burg, i dënuar për një dosje droge, ku akuzohet se nuk ka bërë detyrën siç duhet,
Por ndërkohë, emri i Bashkim Tahirit nuk ishte krejtësisht i panjohur.
Ai u bë i njohur m’u prej të birit, nga fakti se kur Tahiri qe në opozitë, i ati iu ndalua për kontrabandë ilaçesh, e përkthyer si akt hakmarrës politik nga pushteti i kohës(PD), ndërsa në rrethana pushteti të PS-së, farmacisë së Bashkim Tahirit iu vu një sasi tritoli. /tesheshi.com/
