Kryeministri Rama tha se shteti shqiptar do të heqë fondin e ekselentës për studentët që ikin jashtë vendit e nuk kthehen më në atdhe dhe këto para do të shkojnë për studentët me 10-ta që studiojnë dhe jetojnë në Shqipëri.
Kjo, për Ramën, do të ndikonte në rritjen e numrit të doktorantëve, të ekspertëve, të nivelit të arsimit në vend, si edhe një xitje për të rinjtë dhe të rejat që të mos largohen nga vendi i tyre.
Për të parin e qeverisë, duhet t’u vijë turp atyre të rinjve studentë që pasi i morrën paratë vendit të tyre, i kthyen shpinën.
“Ne do të investojmë dhe nga të ardhurat tona, po përgatisim spostimin e një fondi të ekselencën nga pagesa e atyre që ikin jashtë dhe nuk kthehen më, do kthehen te burimet e brendshme dhe po strukturime një politike të re që do të mbështesë studentët me xixa dhe pedagogët, për studimet, për masterat me kushtin që të qëndrojnë në Shqipëri, një periudhë kohe dhe të kthejnë detyrimin, se fondi i ekselencës që sot ka mundësuar diplomimin e 300 të rinjve shqiptarë është shumë i konsiderueshëm dhe është krijuar atëherë kur u krijua me dëshirën e mirë që këta të ktheheshin në vend dhe këta të rinj që kanë marrë diploma në universitete më të njohur atë botës të kenë turp që kanë marrë një angazhim me vendin e tyre, kanë marrë para nga vendi i tyre, kanë marrë përsipër detyrimin që të kthehen dhe ta sjellin dijen këtu dhe ndërkohë nuk ka ndodhur”.
Nuk do të vazhdojmë më ata që ikin për të mos u kthyer, por do të ndryshojmë kahun e këtij fondi dhe modelin që e kemi para syve, do e financojmë me të ardhurat tona, që do të thotë siç kemi 30 doktorantë në UBT, nesër do kemi më shumë”, arsyetoi Rama nga Universiteti Bujqësor i Kamzës. /tesheshi.com/
