Një ditë e bukur e planifikuar për peshkimin u shndërrua në dramë të rrezikshme për një çift në Australi, kur ata u gjendën të bllokuar në një kënetë plotë me krokodilë dhe u detyruan të shkruanin “HELP” (ndihmë) në baltë për të kapur vëmendjen e shpëtimtarëve.
Gjatë një udhëtimi për peshkim në Parkun Kombëtar të lumit Keep në Australi, çifti përfundoi në një zonë të largët të quajtur Barra Hole, kur kamioni i tyre i bllokimit u rrokullis në një kenetë moçalore.
Ata u shqetësuan së tepërmi kur panë një bandë krokodillësh në zonë, dhe ishin mjaft të vetëdijshëm se baticat në rritje mund të tërheqin më shumë zvarranikë të pangopur.
“Ne ishim të mbërthyer në moçal dhe për pak u bëmë pre e krokodilëve”, tha Colin Nulgit, njëri prej çiftit, në një intervistë për ABC Neës. “Nga sa i kemi parë dy apo tre sosh, ata ishin rreth 6 metra të gjatë,” thotë ai.
Meqenëse në zonë nuk kishte asnjë valë për celular, ata vendosën të flejnë në makinën e tyre atë natë me shpresë që dikush do t’i vërente.
Për fatin e mirë, “HELP” funksionoi! Meqenëse i kishin treguar familjes se ku po shkonin, familjarët e shqetësuar nga vonesa e kishin njoftuar policinë, e cila hasi në shkrimin në fjalë që nga helikopteri. /tesheshi.com/
