Auto Dak
Auto Dak
Auto Dak

Një falenderim nga Kurti për Macron

Kryeministri i Kosovës Albin Kurti falënderoi Presidentin e Francës Emmanuel Macron, për mbështetjen e rëndësishme që Franca i ka dhënë Kosovës për më shumë se dy dekada.

Kujtojmë se përfaqësuesi i parë ndërkombëtar për Kosovën, emëruar pas luftës, qe francez. Quhej Bernard Kushner.

Bashkëpunimi dypalësh, përfshirë potencialin ekonomik dhe hapësirën për kompanitë franceze për të investuar në Kosovë, u diskutua gjatë një takimi të mërkurën mbrëma në Pallatin Elysee në Paris.

Dialogu midis Kosovës dhe Serbisë dhe përfitimet e një qasje konstruktive nga të dy palët u diskutuan gjithashtu.

Kurti përsëriti se Qeveria e Kosovës do të kontribuojë në marrëdhëniet e fqinjësisë së mirë dhe integrimin evropian.

Takimi midis Macron dhe Kurtit u parapri nga një takim midis dy ministrave të brendshëm, Xhelal Svelça dhe Gerald Darmanini.

Svelça përsëriti se kriteret për liberalizimin e vizave janë përmbushur dhe se ka pasur një rënie drastike në fushën e migrimit në vitet e fundit.

Të dy ministrat ranë dakord të vazhdojnë dhe thellojnë bashkëpunimin konkret në disa fusha, në mënyrë që të rrisin sigurinë në rajon dhe më gjerë. /tesheshi.com/

auto pjese dak

Related posts