Një eurodeputete italiane, Elly Schlein e cila është një nga drejtueset e omisionit për Shqipërinë në Bruksel, ka një propozim për Lulzim Basha.
Ajo ka hartuar një letër që ia ka dërguar kreut të opozitës, ku i propozon që të lejojë deputetët të shkojnë në Kuvend për vettingun dhe paralelisht të nisë një dialog për qeverinë, ku vetë ajo ofrohet për lehtësim edhe Parlamenti Europian.
“Çdo formë proteste, përsa kohë është demokratike dhe paqësore, e mbi të gjitha është pjesë e të drejtave të opozitës, është e drejtë.
E sigurt është që nuk duam ta shohim këtë gjë që të vërë në rrezik implementimin e shpejtë të reformës në drejtësi që u votua verën e kaluar, duke dhënë një mesazh të rëndësishëm, mbi të gjitha qytetarëve shqiptarë por edhe partnerëve europianë. Kjo gjë na ndihmon dhe neve, miqve të Shqipërisë që të shtyjmë përpara procesin e integrimit. Është përgjegjësia e deputetëve për të çuar përpara punimet e Parlamentit dhe për të ringritur besimin e qytetarëve është e rëndësishme që të theksohet rëndësia e institucioneve demokratike, siç Parlamenti sigurisht është”, deklaron Schlein.
“Unë shpresoj që zgjedhjet të mbahen, por nuk na takon neve që ta vendosim këtë gjë. Përsa më përket mua, nuk e shoh këtë domosdoshmëri, por nëse palët do të bien dakord është e drejtë e tyre.
E rëndësishme është që të jepet një sinjal dhe të shkohet në votime”, thotë Schlein e cila thekson se me rëndësi është që të zbatohen dhe disa nga rekomandimet e OSBE-ODIHR-it.
“Shpresojmë gjithashtu që përpara zgjedhjeve të cilat janë një moment kryesor në jetën demokratike të çdo vendi, të arrihet në kohë që të merren në konsideratë disa nga rekomandimet e OSBE-ODIHR që janë bërë. Sigurisht që koha nuk premton, por besoj se nëse do ishte mundësia për një dialog politik konstruktiv, siç ishte shembulli i votimit të reformës në drejtësi, mund të arrihet diçka, të paktën mbi transparencën e financimeve të partive ose për rregullimin e hapësirës mediatike”, shton Schlein.
/tesheshi.com/
