Pas masakrës në Paris në muajin Janar, Franca ka rënë ditën e djeshme, bashkë me Tunizinë, Kuvajtin dhe Somalinë, pre e sulmeve terroriste.
Atentati në një fabrikë gazi në afërsi të Lionit, ku një burrë humbi jetën, shtyu kryeministrin e Francës, të shprehë në një deklaratë për mediat, gjithë shqetësimet e tij.
“Franca duhet të mësojë të bashkëjetojë me kërcënimin e vazhdueshëm të atentateve terroriste, veprime të ngjashme me atë të djeshmin në Lion apo atë të janarit në Paris. Është e vështirë për një shoqëri të jetojë për vite të tëra nën kërcënimin e një sulmi, por tani pyetja nuk është nëse do të ketë një sulm tjetër, por kur do të jetë sulmi”,- tha Manuel Valls.
Për sulmin e djeshëm në afërsi të Lionit, janë arrestuar katër persona: atentatori i dyshuar, Yassin Salhi, bashkëshortja e tij, e motra dhe një burrë tjetër. /tesheshi.com/
