Një konferencë shtypi e pazakontë ka qenë ajo në Bruksel, ku dy zyrtarë të lartë të BE-së, përfshirë dhe zëdhënësin Peter Stano, kanë dalë para medias së bashku me kryeminsitrin Rama, si të qe, apo ndoshta është, një shprehje e mbështetjes euopiane ndaj shefit aktual të mazhorancës, në kuadër të zgjedhjeve të 25 prillit, që, ndër të tjera, janë një përplasje e dyshes Meta-Berisha, i pari president dhe i dytë kryetar hije i PD-së, me faktorin ndërkombëtar për cështjen e Reformës në Drejtësi.
Meta po del hapur duke pohuar se me 25 prill do ta zhbëjë atë, që është dhe investimi më i fortë i SHBA-BE në politikën shqiptare.
Si mesazh të parë, Komisioneri për Zgjerimin Oliver Varhelyi dhe shefit të politikës së Jashtme Joseph Borrell, thanë se Shqipëria ka plotësuar çdo kusht dhe është gati për konferencën e parë ndërqeveritare, që përkthehet ndryshe dhe si hapje e negociatave.
“Kemi shprehur dëshirën që kjo konferencë të ndodh sa më shpejt”, tha Borrell.
“Kemi arritur ku duhet, vlerësimi që po u japim është se gjithçka është përmbushur për çeljen e konferencës së parë”, tha nga ana tjetër komisoneri Varhelyi.
“BE është një bekim për njerëzit tani dhe për të ardhmen tonë”, tha Rama. /tesheshi.com/
