Përjashtimi i Mehinur Ozdemir, deputete e Parlamentit të rajonit të Brukselit, vetëm se nuk ishte në një mendim me partinë e saj për çështjen e konfliktit turko-armen, ka shkaktuar reagime të ashpra dhe të panumërta. Në Belgjikë dhe në shtetet e tjera të BE-së, organizata të të drejtave të njeriut kanë akuzuar politikën europiane për autoritarizëm dhe standarde të dyfishta në lidhje me demokracinë.
Ndërkaq, shefi i diplomacisë turke, Mevlut Çavusoglu, i cili për një kohë të gjatë ka qenë edhe Kryetari i Asamblesë Parlamentare të Këshillit të Europës, e ka cilësuar përjashtimin e politikanes belge, e cila i përket besimit musliman, si një veprim hapur racist dhe jashtë çdo standardi demokratik.
Ministri i Jashtëm, Mevlut Çavusoglu reagoi ndaj këtij vendimi duke thënë “A është kjo botëkuptimi i juaj i demokracisë dhe lirisë?”
Në mesazhin e publikuar në llogarinë e tij në mediat sociale, Ministri Çavusoglu tha se përjashtimi i Ozdemirit nga Partia e Qendrës Demokratike Humaniste është i papranueshëm.
Ndërsa Zëdhënësi i Ministrisë së Jashtme, Tanju Bilgiç në një deklaratë me shkrim ka thënë se “Ndjejmë shqetësim të thellë nga përjashtimi i Ozdemirit nga partia e tij”.
Në deklaratë në mes tjerash thuhet se “Kemi pritur me befasi një vendim të tillë që bie ndesh me vlerat demokratike të një partie politike në Belgjikë, e cila ka një traditë rrënjësore të demokracisë”.
Duke e cilësuar këtë ngjarje si “ekskluzive që mbjell fara të mosmarrëveshjes”, zëdhënësi Bilgiç tërhoqi vëmendjen se ky vendim në vend se të kontribuojë në zgjidhjen e problemeve të integrimit, do t’‘i thelloj edhe më shumë ato.
Mehinur Ozdemir është 32 vjeçe, e lindur në Bruksel më 7 nëntor 1982 dhe e diplomuar për administratë Publike. Përkushtimi ndaj të drejtave të njerëzve në nevojë dhe ndërshmëria, përveç rezultateve ekselente në arsimim, bënë që ajo ti futet politikës pas propozimit të partisë së Qendrës Demokratike Humaniste.
/tesheshi.com/
