Shprehja e një afeksioni të ambasadores Yuri Kim për Skënderbeun, ka ngacmuar Berishën deri në atë fazë sa jo vetëm të shpallë dashurinë e madhe nda heroit kombëtar, por dhe të mos e pranojë atë të shprehur nga Kim.
“Skënderbeu ishte Davidi ynë, ishte Davidi që me një guxim të jashtëzakonshëm me një kurajo mbinjerëzore u përball me Goliathin më të rrezikshëm të kohërave(Sulltan Mehmetin). Dhe qëndroi në kushtet më të pabarabarta, qëndroi dhe shkroi ato faqe të historisë që janë dhe do mbeten frymëzuese për çdo shqiptar.
Skënderbeu është frymëzues për secilin prej nesh, çdo dashuri tjetër për Skënderbeun, jashtë mesazheve të tij është fake, e rreme, e pavlerë. Ndërsa ne do qëndrojmë për frymëzimin që i jep ai. Sot mund të jemi një pakicë, por ju garantoj së shpejti do jemi shumicë”, deklaroi Berisha, me nëntekst të qartë për Kim.
Me këtë të fundit, Berisha është në përplasje nga fakti se beson, apo se do të besojë, se është pikërisht ajo që investohet për “non grata”-n amerikane ndaj tij. /tesheshi.com/
