Shtëpia e Demokratëve ka postuar një foto të praktikantëve demokratë të Capitol Hill-it, e cila tregon diversitetin etnik në mesin e grupit, krahasuar me një foto të ngjashme të postuar nga republikanët pak kohë më herët.
Kreu i Dhomës së Përfaqësuesve të Kongresit Amerikan, Paul Ryan është kritikuar ashpër për shkak të postimit të fotografisë me një grup të rinjësh djem dhe vajza, kryesisht të bardhë të cilët po kryejnë stazhin në Washington DC.
“Unë mendoj se ky është numri rekord i praktikantëve të #CapitolHill, në një selfie të vetme”, ka shkruar Ryan.
Fotoja ka ngritur pyetje të shumta në lidhje me prokurimin e praktikantëve dhe diversitetin etnik përbrenda Partisë Republikane.
Në anën tjetër, fotoja e praktikantëve demokratë në Capitol Hill shfaq një diversitet etnik plotësisht të kundërt me foton paraprake.
Kryesuesi i demokratëve në Capitol Hill, Xavier Becerra ka postuar njërën nga fotot, duke shkruar: “Falemnderit ju praktikantët e zellshëm të #CapitolHill! Në kishim një grup të shkëlqyeshëm kësaj vere.”
Praktikantët po ashtu postuan foton, ku një nga komentet ishte: “Kështu duhet të duket diversiteti”.
Ligjvënësja demokrate e Alabamas, Terri Sewell citoi një shkrimtare dhe aktiviste, Maya Angelou: “Në diversitet, gjithmonë ka bukuri dhe ka fuqi”
.Fotografitë postohen gjatë kohës kur po mbahet Konventa e Republikanëve, në të cilën Donald Trump sapo u shpallur kandidat për President. /tesheshi.com/
