Mëndërza është një barishte dhe njëkohësisht dhe erëz, që përveçse gjen përdorim të gjerë në kuzhinën tonë, ka gjetur gjithashtu përdorim në shumë ilaçe dhe produkte kozmetike.
Një ndër arsyet përse mëndërza është e mirë për shëndetin e flokëve, qëndron në faktin se kjo bimë ka veti antiseptike. Kjo do të thotë se mëndërza vret bakteret që mund të gjenden në lëkurën e kokës, duke krijuar një mjedis të shëndetshëm për flokët si dhe për rritjen e tyre.
Mëndërza gjithashtu stimulon qarkullimin e gjakut në lëkurën e kokës. Kjo i lejon rrënjës së flokut të marrë më shumë ushqyes duke u dhuruar flokëve liri që të rriten më shpejt dhe më të fortë. Përveç rritjes se flokëve, mëndërza ndihmon në kontrollin e yndyrës të flokëve si dhe rregullon nivelet e PH për të parandaluar dehidratimin e flokëve.
Përdorimi
Në 2 gota me ujë të ngrohtë, shtoni dy lugë gjelle me gjethe mëndërze të freskët ose një lugë gjelle me gjethe të thata. Mbuloni ujin dhe e lini të qëndrojë derisa të ftohet, pastaj kulloni çajin dhe e vendosni atë në një shishe.
Aplikoni çajin e mëndërzës në flokun tuaj dhe lëreni për 10 minuta, më pas shpëlajeni me ujë të vakët. /tesheshi.com/
