Kreu i shtetit shqiptar, Bujari Nishani, ka dekretuar më në fund faljen ndaj Nazime Vishës, vajzës 19-vjeçare që vrau ta dashurin e saj rreth të 60-ve, Fiqiri Muça.
Ngjarja tronditi opinionin dy vjet më parë, pasi nuk bëhej fjalë thjesht një për akt ordiner, por për një krim të pazakontë pas së cilit qëndronte një raport i komplikuar mes adoleshentes dhe viktimës.
Që atëherë, Nazime Visha u pa nga opinioni si viktimë e jo vrasëse, për të cilën nga disa zëra publikë është kërkuar mëshirë nga autoritetet shtetërore, veçanërisht nga presidenti.
Ky i fundit, muaj më parë nuk pranoi të jepte falje për Nazimen, duke marrë dhe një dozë “mallkimesh” nga po ato zëra publikë që kërkonin “vënien e dorës në zemër” nga kreu i shtetit, gjë që ndodhi këtë fillimpranvere.
Kështu, Nazime Visha do lërë burgun, edhe pse vrau babain e 5 fëmijëve pas një raporti me elementë të thrillerit erotik. /tesheshi.com/
