Presidenti i Republikës, Bujar Nishani, ka bërë thirrje për një pakt të madh mes Partisë Socialiste dhe Partisë Demokratike me fillimin e sezonit të ri parlamentar.
Deklarata e Nishanit ka ardhur pikërisht pas zërave të shtuar mbi një koalicion mes socialistëve të Ramës dhe demokratëve të Bashës.
Në një intervistë për gazetën në gjuhën angleze që botohet në Tiranë: “Albanian Daily News”, kreu i shtetit shqiptar, bën thirrje për një marrëveshje të madhe mes mazhorancës dhe opozitës, në mënyrë që Shqipëria të kalojë pengesën e radhës që i duhet për të hapur negociatat për anëtarësimin në Bashkimin Europian.
Kreu i Shtetit shqiptar, ka akuzuar shumicën qeverisëse se është treguar përjashtuese ndaj institucionit të Presidentit të Republikës, pasi ka fshehur një dokument strategjik që ka të bëjë me reformën për drejtësi.
“Ka zëra në lidhje me ekzistencën e një dokumenti strategjik, i cili nuk ka gjetur rrugën që të mbërrijë tëk Presidenti i Republikës, i cili padyshim duhet të njihet me të”, ka theksuar Nishani në lintervistën e dhënë për kryeredaktorin e AND, Genc Mlloja.
Kreu i shtetit ka theksuar se ka një mosbesim të thellë në shoqërinë shqiptare që vjen nga polarizimi politik, ku si pjesë është edhe përdorimi i pushtetit politik.
Ai ka bërë thirrje që qeveria t’i rikthehet menjëherë situatës ekonomike në vend, të cilën e ka cilësuar shqetësuese dhe ka bërë thirrje që qeveria duhet të ndërgjegjësohet nga largimi masiv i qytetarëve drejt Perëndimit.
Nishani ka shprehur shqetësimin e një rikthimi të regjimit të vizave, duke deklaruar që shpreson që kjo gjë të mos ndodhë.
Në lidhje me situatën në Maqedoni dhe në veçanti ngjarjet në Kumanivë, Presidenti i Republikës ka bërë thirrje për një hetim të pavarur dhe u ka bërë thirrje autoriteteve të Shkupit që të zbatojnë Marrëveshjen e Ohrit.
Ndërkaq në lidhje me ngritjen e Gjykatës Speciale, kreu i shtetit shqiptar, ka deklaruar se
Akuzat politike ndaj Ushtrisë Çlirimtare të Kosovës janë të padrejta, pasi ka pasur një situatë ku djemtë dhe vajzat e Kosovës janë martirizuar për lirinë e popullit, i cili është shtypur nga pushteti serb. Nishani ka shtuar se ka pasur akuza të nritura në Gjykatën e Hagës kundër drejtuesve të UÇK-së por ata nuk janë vërtetuar asnjëherë dhe akuzat kanë rënë.
Presidenti i Republikës ka theksuar se Shqipërisë i duhet një klimë e re mirëbesimi mes politikës dhe shoqërisë, klimë e cila do të favorizojë reformat e mëdhë që i duhen vendit për të ecur përpara.
/tesheshi.com/
