Kreu i shtetit, Bujar Nishani priti këtë të premte një përfaqësi të Aleancës Kundër Importit të Plehrave (AKIP), si dhe ekspertë mjedisorë e qytetarë, prej të cilëve dëgjoi ankesat e kundështitë e tyre për ligjin e qeverisë mbi riciklimin e mbetjeve.
“Ju garantoj se përsa kohë do të jem në këtë Zyrë, nuk do ta zhgënjej asnjëherë interesin publik të qytetarëve!”, mësohet t’u këtë thënë Nishani mysafirëve nga shoqëria civile, siç infiormon Zyra e tij e Shtypit, çka përkthehet si një paralajmërim që ai nuk do e dekretojë ligjin e shumëpërfolur.
Edhe në rastin e ndërtimit të parkut të lodrave tek Liqeni, shoqëria civile e “gjeti të hapur derën” e Presidencës, pas së cilës shpërtheu dhe një konflikt verbal mes Nishani dhe kreut të bashkisë, Erion Veliaj.
Ndërkohë, dihet rezistenca që ai si president i ardhur nga e djathta, u ka bërë shumicës së ligjevetë qeverisë së majtë, sidomos atyre me sensitet të lartë politik, duke mos i dekretuar, pra për aq sa ka në dorë. /tesheshi.com/
