Nishani: Rama më bëri një telefonatë të papranueshme

Presidenti i Rëpublikës Bujar Nishani ka akuzuar Kryeministrin Edi Rama, se i ka telefonuar për rastin Zhiti dhe ka zhvilluar një bisedë qe e cilësoi “të papranueshme dhe të patolerueshme”. Në intervistën e tij dinamike në emisionin Top Story të gazetarit Sokol Balla, Presidenti Nishani akuzoi qeverinë dhe Kryeministrin se i kanë bërë presion dhe deklaroi se ai nuk do të dekretonte asnjë ambasador pa iu marrë mendimi. Duke folur për rastin Zhiti, Nishani theksoi se ka refuzuar dekretimin edhe për 3 ambasadorë të tjerë.

“Fyerjet ndaj meje, 30 minuta pas nje telefonate te papranueshme nga Kryeministri Rama”, tha Nishani, i cili shtoi se ka pasur një rast të rëndë ku një ambasadori të dekretuar nga Presidenti, atij në Emiratet e Bashkuara Arabe nuk i janë dhënë kredencialet.

Presidenti i Republikës, Bujar Nishani, deklaroi në emisionin Top Story, se bashkëshortja e tij nuk përfitonte tokë  nga trualli i familjes Karaosmani, që ka fituar gjyqin me Kishën Katolike të Elbasanit, çështje që hapi një debat të madh në publik.

I ftuar në emisionin e gazetarit Sokol Balla, Presidenti Bujar Nishani, foli edhe për look-un e ri që u shfaq në mesazhin e Vitit të Ri pa mustaqe.

Nishani theksoi ka akuzuar mazhorancën se ka sulmuar institucionin e kreut të shtetit, me anë të një sulmi të organizuar dhe të përgatitur me kujdes. Presidenti theksoi se vendimi i gjykatës nuk e prish kishën dhe nuk përfitonte bashkëshortja e tij.

“Prona ne Elbasan, iu njoh pronareve qe ne vitin 1994 ne kohen kur une isha nje qytetar i thjeshte. Kreret e komuniteteve fetare ne Elbasan ne letren e tyre te ankeses nuk permenden asnjehere emrin tim. Akuzat ndaj meje nisen me emerimin e ambasadorit te ri ne Vatikan”, theksoi Presidenti Nishani.

Ndëraq, i pyetur për pamjen e re me heqjen e mustaqeve, Presidenti u përgjigj:

“Thjeshte lehtesi per tu pergatitur çdo mengjes”.(tesheshi)