Presidenti i Republikës, Bujar Nishani ka mbajtur fjalimin tradicional në OKB në emër shqiptar, duke i mëshuar çështjes së reformave në Shqipëri.
Duke përshëndetur zgjedhjen e Presidentit të Asamblesë së Përgjithshme, Peter Thomson, Nishani theksoi se Shqipëria ka ndjeshmërinë e duhur ndaj sfidave me të cilat përballet bota sot dhe mbështet përpjekjet e përbashkëta për parandalimin e konflikteve.
Duke folur për procesin e integrimit, Nishani theksoi se Bashkimi Evropian po kalon sfida të forta pas Brexit, duke nënvizuar se Shqipëria është e vendosur për të vijuar rrugën e reformave.
“Marrja e statusit të Vendit Kandidat dhe pritshmëria për hapjen së shpejti të negociatave të aderimit në Union, janë njohje të arritjeve të Shqipërisë në realizimin e reformave të nevojshme dhe arritjen e standardeve të kërkuara.
Bashkimi Evropian po kalon sfida të forta, veçanërisht pas BREXIT, por Shqipëria është e vendosur për të vijuar me rrugën e reformave, duke e konsideruar integrimin evropian si objektivin më madhor të saj dhe alternativën e vetme e më të mirën”, tha Nishani, i cili
për reformën në drejtësi tha se ajo përbën një bazë solide për hapjen e negociatave.
/tesheshi.com/
