Kampionati francez ka Nisën në krye të renditjes, që as mendohej të ishte në këto pozita në fillim të sezonit.
Dhe pa dyshim që meritë të veçantë për këtë ka Mario Baloteli, i transferuar në klubin francez më tepër për shkak të mungesës së zgjedhjeve më të mira, sesa si një parapëlqim i tij.
Pesë gola ka shënuar Baloteli në tetë javë, të gjithë thelbësorë për Nisën.
Siç qe ai i mbrëmshmi, në fitoren 2-1 ndaj Lorientit. Baloteli shënoi një gol të shkëlqyer në minutën e 86-të, duke i dhënë tre pikët Nisës. Por nuk vonoi të merrte dhe një karton të kuq, pasojë e dy të verdhave të njëpasnjëshme.
Diçka e parë dhe më herët nga Baloteli, që nuk heq dorë nga veprimet e tij të pakontrolluara.
Përndryshe, vendi i dytë në kampionatin francez mbahet nga Monako, që të shtunën fitoi tenistikisht, 0-7, ndaj Metzit.
PSG-ja mban vendin e tretë pas fitores 2-0 ndaj Bordosë. /tesheshi.com/
