Kuvendi nis punën me tension. Opozita: Të largohet Meta

Ka nisur seanca parlamentare me ardhjen e opozitës në Kuvend, e cila pas një mbledhje të grupit parlamentar ka vendosur që të bllokojë punimet deri sa të futet në rend dite kërkesa për shkarkimin e Kryetarit të Kuvendit, Ilir Meta.

Kryetari i grupit parlamentar demokrat, Edi Paloka, e ka cilësuar një gjendje skandaloze dhe nuk mund të vzhdojë seanca normalisht pa largimin e kreut të Kuvendit, Ilir Meta.

Paloka ka akuzuar ministrin e Brendshëm Saimir Tahiri se ka pasur dijeni të plotë për ngjarjen. Deputetët e PD—së theksojnë se nuk duhet të vazhdojnë punimet normalisht pa u larguar Ilir Meta.

Paloka deklaroi se nëse nuk reagojnë shqiptarët do të ketë shpërthime të rënda tritoli edhe më të rënda se ajo që ndodhi mbrëmë.

Meta i dha fjalën deputetit Sterkaj, por situata u tensionua, deputetet e PD shkuan tek foltorja e me pas Meta nderpreu seancën duke dhene 5 minuta pushim.