Policia e Shtetit ka nisur punën për krijimin e një baze të dhënash për gjakmarrjen në Shqipëri, evidentimin dhe identifikimin e individëve apo familjeve të prekura nga rregullat e Kanunit.
Kjo bazë të dhënash do të ndihmojë policinë në identifikimin e rasteve reale, por edhe në lidhje me parandalimin e kërkesave për azil në BE apo Britani.
Nuk janë të pakta rastet kur Policia dhe autoritetet shqiptare kanë marrë kërkesa nga homologët e tyre në lidhje me verifikimin e deklaratave që shumë shqiptarë bëjnë se janë në hasmëri dhe ndaj kërkojnë azil.
Fenomeni i gjakmarrjes është keqpërdor për vite me rradhë nga shqiptaret të cilët kanë përfituar statusin e azilantit pikërisht duke shfrytëzuar rrjedhojat që sjell Kanuni. /tesheshi.com/
