Pas disa kritikash të ashpra kundër Edi Ramës dhe qeverisë, Spartak Ngjela është shfaqur në krah të Erjon Veliajt në fushatën e tij për kryebashkiak të Tiranës.
Gjatë një takimi në Njësinë 2 të kryeqytetit, Ngjela ka mbështetur publikisht kandidatin Veliaj duke theksuar se ai është një figurë e pa
korruptueshme.
“Korrupsioni po i merr shpirtin qytetit. Hiqi korrupsionin qytetit dhe jep modelin tënd me freskinë intelektuale moderne që të karakterizon. Tirana nuk është ende një qytet europian. i bëjmë qejfin vetes kur themi kështu. Krijoji opinionit publik shqiptar impresionin që je i pakorruptuar. Krijo marrëveshje me kryeministrin dhe kthejini dinjitetin Tiranës” – ka thënë ndër të tjera kryetari i Partisë Ligj dhe Drejtësi.
Ai shprehu bindjen duke thënë se është hera e parë që vjen një kryetar bashkie me këtë moshë të re në Tiranë. Ngjela ka qenë në vitin 2007 ishkandidat i PDsë përballë Edi Ramës dhe më pas aleat i tij në zgjedhjet e fundit.
