Ish-kryeministri Sali Berisha ku publikuar videon e plotë të ngjarjes në Elbasan, ku policia u përplas me djalin e një biznesmeni në këtë qytet. Berisha ka hedhur akuza të ashpra ndaj kryeministrit Edi Rama, duke e quajtur krim shtetëror fikjen e kamerave në disa vrasje të ndodhura në Elbasan.
“Krimi i organizuar në Elbasan, si në mbarë Shqipërinë është krim shtetëror i organizuar!
Në katër ngjarjet e përgjakshme që kanë tronditur qytetin, kamerat e sigurise të pushtetit pra të Policisë së Shtetit dhe bashkisë së qytetit, jane fikur me urdhër për të mos filmuar aktet kriminale. Kjo do të thotë se vetë shteti fik kamerat duke thënë: “na falni pak se tani kemi orën e vrasjeve”!
Së dyti, mashtrimet dhe trillimet e shtetit për ngjarjen e fundit të vrasësit Suel Çela dhe bandës së tij, dëshmojnë qartë se fuqinë e shtetit e kanë narkobanditët, ndaj dhe policia duke ditur këtë qëndron gatitur para tyre edhe kur sulmohet zv. drejtori i tyre.
Së treti, mungesa e plotë e hetimit të krimeve dëshmon se krimi është shtetëror ndaj dhe nuk guxon njeri t’a hetojë atë.
Së fundi, kreu i meduzës së krimit të organizuar, Edi Rama gjithë paraditen nuk tha një fjalë të vetme për Elbasanin, u detyrua të thote vetëm dy tre fjali të përgjithshme.
Më poshte keni një video të plotë të inaktivitetit absolut të policisë natën e ngjarjes, i cili sipas disa të dhënave ka qenë i urdhëruar nga Tirana!”, shkruan Berisha në rrjetet sociale. /tesheshi.com/
