Një grup liderësh myslimanë amerikanë kanë ndërmarrë një aksion për mbledhje fondesh të cilat do të shkojnë për familjet e viktimave nga një sulm i fundit terrorist që ndodhi në San Bernardino të Kalifornisë.
Sulmi, që thuhet së është marrë përsipër një nga çift të frymëzuar nga ISIS-i, ka trazuar sërish opinionin, si në Amerikë e sin ë botë, ku është rishfaqur gjuha e urrejtjes dhe e islamofobisë.
Por krerët fetare po bëjnë përpjekje që të përgënjeshtrojnë këto zëra, si me arsyetime e si me akte konkrete, duket përcjellë mesazhin se Islami asesi nuk mund të nxisë dhunë e vrasje të të pafajshmëve, porse është në funksion të më të mirës për njeriun dhe jetën e tij.
Kështu, grupi i lidërve myslimanë amerikanë tha se donin t’i përgjigjeshin të keqes me të mirë, siç feja i mëson, dhe se duan të dërgojnë një mesazh të bashkuar dhembshurie nëpërmjet aksionit të ndërmarrë për mbledhje fondesh.
“Profeti Muhammed ka thënë: ‘Ki mëshirë për ata që janë në tokë, që Ai në qiej (Zoti) të ketë mëshirë për ty’. Dhe Kurani na mëson: ‘Ti të keqes përgjigju me një të mirë’. Mbledhja e fondeve do të ndihmojë në pjesën afatshkurtër për shpenzimet e varrimit të viktimave, dhe nëse ne arrijmë shifrën më të madhe se 50 mijë dollarë, atëherë mund të asistojmë e mbështesim dhurimet për qendrën e personave me aftësi të kufizuar ku ndodhi masakra”, thanë ata.
Fondet do të shpërndahen për familjet e viktimave nga organizata MiNDS Netvvork.
“Ne, nëpërmjet imamëve, u kemi kërkuar të gjithë myslimanëve, kudo nëpër Amerikë, që ta promovojnë dhe mbështesin këtë nismë.”
Liderët myslimanë i dërguan ngushëllimet familjarëve të viktimave nga sulmi në San Bernardino.
“Ne jemi shumë të trishtuar dhe vuajmë bashkë me miqtë tanë në San Bernardino. Ne jemi me ta dhe nuk ka fjalë për të përcjellë ngushëllimet tona. Ne duam të tregojmë se jemi me familjarët e viktimave. Fondi për viktima është një ide fisnike dhe i bëjmë thirrje myslimanëve amerikanë të kontribuojmë në këtë fond.” /tesheshi.com/
