Nga Tirana në Prishtinë, për 12 minuta me avion

Nga dje, 24 janar, janë hapur linjat ajrore për fluturimet Tiranë-Prishtinë, ku distanca do përshkohet për 12 minuta. Është pikërisht NATO që e mundëson këtë, pasi është ajo që hapur zyrtarisht korridoret e reja ajrore civile,  duke mundësuar fluturim në vijë të drejtë ajrore.

Ky zhvillim i ri është rezultat i përpjekjeve të kryera nën një proces të udhëhequr prej NATO-s dhe synon normalizimin e trafikut të aviacionit civil në të gjithë Ballkanin Perëndimor.

 “Linjat e reja do të ndikojnë pozitivisht në aviacionin civil dhe do të ofrojnë përfitime të konsiderueshme, duke përfshirë kohë më të shkurtra fluturimi, konsum më të ulët të karburantit dhe reduktim të ndotjes”, thuhet në një njoftim zyrtar.

Për qeverinë e Kosovës, shkurtimi i trajektoreve të fluturimeve, e bën aeroportin e Prishtinës më konkurrues me aeroportet e tjera në rajon. /tesheshi.com/