Shkalla e infeksioneve të reja të koronavirusit në Suedi u rrit në vendin e dytë më të lartë në Evropë javën e kaluar, pas San Marinos, tregojnë të dhënat të martën.
Numri i pacientëve në kujdes intensiv në Suedi tejkaloi kulmin e valës së dytë të pandemisë, në fund të vitit të kaluar.
Shteti skandinav ka pasur 19,105 raste të reja që nga e premtja, sipas të dhënave nga autoritetet lokale të shëndetit.
Suedia ka 625 raste të reja për milion banorë në javë në bazë javore, të dhëna nga portali OurËorldInData të Martën, i cili e rendit atë në vendin e dytë, pas San Marinos të vogël.
“Fatkeqësisht, ne po shohim një përshpejtim të zgjerimit në Suedi. Ne do të shohim se si do të shkojë kjo javë, por sigurisht që është një përhapje e shpejtë që nuk tregon një ngadalësim”, tha epidemiologu kryesor suedez Andres Tegnell.
Suedia, një vend me 10 milion banorë, deri më tani ka dhënë 2.1 milion doza të vaksinës, raporton Reuters.
Një total prej 13,660 njerëz kanë vdekur atje që nga fillimi i pandemisë.
Por ky vend veçon nga të tjerët, pasi një vit më parë vendosi të mos izolohej plotësisht, duke i mëshuar vetëm rregullave anti-COVID.
Për një kohë u konsiderua histori suksesi, por më vonë rezultoi një dështim total. /tesheshi.com/
