Peter Dunsmuir, ka qenë një gjysh 57 vjeçar me një peshë me të vërtetë të madhe. Ai peshonte as më pak e as më shumë se 127 kilogramë. Mirëpo, pas një diete të mirë ka arritur të humbasë 50 kilogramë dhe është shndërruar në një person që nuk mund të dallohet. “Përpara dobësimit haja rreth një kilogram djathë në javë”,- thotë ai.
Ai jeton në Glasgow në Mbretërinë e Bashkuar. Siç raporton Mirror, për shkak të peshës Peter nuk arrinte as të ngjiste shkallët apo të luante me nipat e tij, 11 vjeçarin Rachel dhe 1 vjeçarin Peter.
Ai gjithashtu ishte i prekur nga diabeti i tipit 2 dhe për një kohë të gjatë nuk ka udhëtuar me avionë, nga frika se nuk do të ndihej rehat në sedilje.
Që prej nisjes së shkurtit të kaluar, Peter ndërroi regjimin ushqimor, duke zëvendësuar kilogramin e djathit me ushqim të freskët dhe fruta. Ai arriti të humbasë rreth 50 kilogramë. “Vendosa të ndërroj stilin e jetës, pasi im vëlla u nda nga kjo jetë për shkak të një tumori në tru. Sot, më në fund ia kam arritur qëllimit”,- thotë ai./tesheshi.com/
