Nga Ylli Pata
Partia Demokratike ka akuzuar kryeministrin Edi Rama se po i jep qeveritarëve makina Jaguar, që sipas opozitës janë një aferë klienteliste, pasi pronari i Volksvagenit në Shqipëri është miku i Ramës.
Në fakt Jaguar-i është një markë luksi në Britaninë e Madhe e themeluar në vititn 1922 në Coventry nga inxhinieri i talentuar Villiam Lyons, të cilit iu dha titulli Sir nga Mbretëresha.
Por sot, Jaguar është një makinë indiane, pronë e TATA Motors, që selinë qendrore e ka në Mombai, ose si i themi në shqiptarët Bombei, që është dhe qyteti më i madh dhe i më zhvilluar i Indisë.
Markat e mëdha apo kompanitë e njohura të makinave, kanë qenë dhe janë një tregues për të analizuar jo thjesht humorin e tifozllëkut sportiv për motored, por edhe të lobimit politik ndaj shumëkombëshve.
Në një vështrim të shpejtë: Në Mal të Zi Audi është mbret i makinave të shtetit, po ashtu dhe në Serbi. Në Kosovë është BMV-ja, në Greqi Toyota dhe në Maqedoni po BMV-ja.
Do thotë dikush: ç’lidhje kanë makinat?! Në Itali, në vitin 1993, Berluskoni u rrëzua se ndryshoi makinat e policisë nga Alfa Romeo, pra FIAT, në Volksvvagen.
Ne s’jemi në Itali, por gjithseshi kanë ndikim lobimet e rëndësishme që mbajnë si spaleta markat e makinave që më shumë i kanë si silueta sesa si realitet industrial.
Për shembull, në Shqipëri ka konçensionarë të të gjitha markave, ama një makinë që difektohet nuk arrin dot të ketë servis efikas, pasi gjithçka është ngritur si kështjellë në rërë.
Megjithatële të bëjmë një kronologji të makinave të udhëheqjes shqiptare që nga fillimi.
Mbreti Zog e ka nisur nga Mercedesi, tek Cheevorlet-i e më pas te FIAT-i.
Udhëheqësit komunistë, domethënë Enver Hoxha, e nisi me ZIL, (shqip Uzina e Makinave Lenin) por pa lënë pas dore lidhjen me francezët, me Citroen-in e Peugeot-në.
Në vitet 1970-1990, Byroja Politike e PPSH-së dhe krerët në rrethe ishin të gjithë Peugeot. Përjashtim bëri vetëm Sokol Hoxha, i biri i Enverit, që lëvizte me një Alfa Romeo Giulieta, që u quajt atëhere si diçka ekzotike, por që në fakt përbënte një politikë të Enverit që t’u merrte para italianëve, siç tentoi me palestinezët.
Por kur e pa që italianët ishin si gjirokastritët e tij, pra që njhnin mirë se pse e bënte këtë veprim, iu kthye gjermanëve; por ata vepruan njësoj.
Pas komunizmit, njësoj vepruan liderët e rinj, megjithatë Shqipëria u bë “atdheu i Mercedesit”, nga vetë impakti i shqiptarëve mbi mallin gjerman që bart një nam të mirë.
Por qeveritë kanë bërë lëvizje piruetë me kompanitë marka të automjeteve.
Mbetet në kujtesë tenderi i Fatos Nanos për autoambulancat Mercedes pasi ia ishte premtuar FIAT-it. Berisha i ofroi Sarkozi-së paratë për të blerë helikopterë francezë Cougar.
Ndërkohë sot Edi Rama furnizon ministrat e tij me Jaguar-in britanik, ndërkohë që ka si këshilltar Tony Blair-in dhe krahun e tij të djathtë, Alaistar Cambell-in. Por ne kemi kryeministra në detyrë apo marka makinash?!
/tesheshi.com/
