Bashkimi Europian nuk e ka parë asnjëherë kaq afër sa sot dhe kaq seriozisht sa tani largimin e Greqisë nga grupi i zonës euro i përbërë prej 19 shtetesh që përdorin të njëjtën monedhë. Max Hofmann shpjegon 5 arsye se përse nuk do të ndodhë një “Grexit” (largim i Greqisë nga eurozona).
- “Grexit” nuk është aq e paevitueshme sa mund të mendohet
Gjatë muajve të shkuar ne kemi dëgjuar të përsëritet e të thuhet se sapo Greqia të mund të mos paguajë më këstin e saj të radhës ndaj borxhit që i ka FMN-së, banka do të mbyllet dhe rrjedhimisht gjithçka do të ndryshojë. Në fakt, nuk funksionon kështu. Shefi i FMN-së, Lagarde nuk do të shpallë menjëherë falimentimin e Greqisë. Edhe në këtë rast Laggarde ka disa politika që mund të ndjekë, në rast se grekët pranojnë të ndryshojnë mënyrën e tyre të të vepruarit në lidhje me borxhin. Në realitet, institucionet evropiane nuk janë aq të pafuqishme dhe mund të ndikojnë kur të duan për të kthyer situatën.
- Dalja e Greqisë nuk do ta bëjë marrëveshjen më pak të kushtueshme
Greqia del nga monedha e përbashkët- po pastaj çfarë ndodh? Mos harroni se çdo gjë ka pasojat e saj dhe largimi i Greqisë do të sjellë stabilitet të plotë në eurozonë. Spekulatorët mundohen të largojnë Italinë apo Portugalinë nga falimentimi. Në ditë e sotme BE-ja është shumë mirë e pregatitur për skenare të tilla se sa disa vite më parë, por askush në Bruksel nuk ka për ta çuar deri në fund këtë lojë. Në çdo rast, Bashkimi Europian do të vijojë të mbështesë Greqinë edhe në rastin më të keq të daljes së saj nga eurozona, pasi nuk duhet lejuar që ky shtet të bjerë në një kolaps të plotë. Nuk ka rëndësi nëse Greqia do të jetë apo jo pjesë e BE-së, BE-ja do të duhet ta ndihmojë, ndaj do të jetë më pak e kushtueshme mbajtja e saj brenda eurozonës.
- Gjeopolitikë e pakuptimtë
E vendosur në mes të paqëndrueshmërisë së rajonit të Ballkanit, mike tradicionale me Rusinë, e hapur për refugjatët që kalojnë Mesdheun, – Greqia është e përfshirë gjithandej. A janë të sigurt anëtarët e Bashkimit Europian se duan ta çojnë një vend të tillë në një izolim total, përfshirë edhe pasojat gjeopolitike? Në këto ditë, përgjigja mund të gjendet në fjalët e përdorura nga shumë politikanë europianë, të cilët justifikojnë ndihmat për Greqinë, duke mos e vënë theksin tek ekonomia por tek situata gjeopolitike.
- Tsipras më në fund e kuptoi mesazhin
Disa vëzhgues në Bruksel kanë deklaruar se takimi i ministrave të financave në Rigë solli ndryshim të situatës. Kryeministri grek, Alexis Tsipras e kuptoi se ai nuk ka asnjë kartë nën mëngë dhe se do të duhet patjetër të bashkëpunojë e të negociojë me BE-në. Duket se trojka ka të bëjë edhe një herë me njerëz që shikojnë punë ne tyre dhe nuk janë idealistë ëndërrimtarë.
- Një bashkim është një bashkim
Nëse Greqia do të dalë në fund të gjithë marrëveshjeve nga eurozona, bashkimi nuk do të konsiderohet më si një bashkim. Ai do të shndërrohet më shumë në një rrjet shkëmbimesh monetare (të paktën kështu do të duket). Iniciativat për të krijuar bonde ekonomike dhe politike do të jenë shumë të dobëta. Do të jetë një humbje e madhe e idesë së Europës së bashkuar të krijuar gjatë dekadave t fundit. Bashkimit Europian do ti duhet të krijojë dhe përdorë të gjithë skenarët e mundshëm që të pengojë daljen e Greqisë nga zona euro.
