Të shtunën zbriste në fushë në Kardif të Uellsit për finalen e Champions League-s, tre ditë më pas viziton Stambollin e ulet në sofrën e iftarit…
Të shtunën i gëzohej trofeut më të rëndësishëm të futbollit për klube në Europë, një mbrëmje më parë, të së martës, viziton në Fatih të Stambollit një ish-futbollist të mbetur në shtrat prej vitesh…
Ky është Karim Benzema!
Sulmuesi i njohur me origjinë algjeriane ka marrë pjesë në një iftar të shtruar nga bashkia e Fatihut në Stamboll; një traditë e lagjeve të metropolit turk, me iftarin të ngrënë bashkarisht nga muslimanët në tavolinat e shtruara rrugëve dhe shesheve.
Benzema ka vizituar bashkinë e Fatihut, është takuar me futbollistët afrikanë që jetojnë në Fatih, e po ashtu i ka bërë një vizitë një ish-futbollisti amator turk të aksidentuar nëntë vite të shkuara e të dergjur prej asaj kohe në shtrat. /tesheshi.com/
