Tentimi me ҫdo kusht i shmangjes së zgjedhjeve nё Kosovё nuk pati sukses.
Pas vendimit tё Gjykatёs Kushtetuese tё Kosovёs se “Zgjedhja e qeverisë Hoti ishte jolegale dhe kishte shkelje tё kushtetutshmёrisë”, kjo e fundit u shpall jolegjitime dhe u kёrkua mbajtja e menjёhershme e zgjedhjeve parlamentare.
Ato tani do tё mbahen me 14 shkurt, në një datë me shije kalendarike rozë.
Arsyeja e tentimit tё shtyerjes sё zgjedhjeve nga partitë nё pushtet, pёrpos interesave politike kishte tё bёnte edhe me mbulimin nёn petkun e COVID-19 tё dobёsive, mangёsive dhe manipulimeve qё janё bёrё nga qeveritarёt aktualë. Kjo situatë shfrytëzohej nё njёrёn anё pёr ta mbuluar para popullit neglizhencёn dhe paditurinë e tyre dhe nё anёn tjetёr pёr t’i arsyetuar keqpёrdorimet dhe keqmenaxhimin e situatёs së përgjithshme.
Pёrpos kёsaj, gjatё kohёs sё pandemisë mungonte edhe mbёshtetja adekuate pёr ekonomitë e goditura nga masat kufizuese, të cilat i merrte qeveria herё me arsye e herё pa arsye. Rasti mё tipik i dredhive dhe pazareve politike pёr zgjidhjen e ngёrçit politik ishte ai i PDK-sё, ku nё njёrёn anё flirtonte me LDK-nё nё kёrkim tё favoreve pёr zgjedhjen e Presidentit, ndёrsa nё anёn tjetёr akuzonte LVV pёr mosseriozitet pёr rrёzimin e qeverisë Hoti.
Problemi nё kёtё rast qёndronte tek mosgatishmёria dhe frika nga zgjedhjet e reja, pasi partitë e pasluftёs qё janë pёr 20 vite nё pushtet kanё humbur besueshmёrinë te qytetarёt dhe kanё harxhuar kredibilitetin nё popull duke u marrё mё shumё me rregullimin e çështjeve tё tyre personale dhe partiake, kurse më pak me interesin kombëtar, gjendjen sociale dhe ekonomike tё rinisё dhe tё shtresave tё varfёra tё popullsisё.
Këtij teatri nё lidhje me zgjedhjet (edhe me atё tё Presidentit) duket se i erdhi fundi. Tani duke u bazuar nё sondazhet e publikuara dhe disponimin e popullatёs, nuk diskutohet mё se kush do tё dal i pari nё zgjedhje, pasi LVV del bindshёm e para, por gara do tё zhvillohet nё atё se kush do tё pozicionohet më mirё nё vendin e parë pёr ofrimin e kandidatit për president, e kjo do tё dihet vetёm pas zgjedhjeve.
Vetёm LVV dukej se po ndiqte njё vijë tjetёr nga partitё tjera; ajo ishte pozicionuar pёr zgjedhjen e Presidentit pas zgjedhjeve tё reja parlamentare, pasi konstelacioni i forcave politike e kishte humbur legjitimitetin dhe busullёn pёr përfaqësimin e mёtutjeshёm politik tё shtetit dhe popullatёs pas zhvillimeve dramatike me qeverinë Kurti dhe bisedimeve me Serbinë nё Uashington nёn patronatin e Presidentit Trump.
Njё gjё ёshtё mё se e sigurtё: partitë si LDK, PDK dhe AAK mundoheshin me ҫdo kusht t‘i shmangnin zgjedhjet, edhe pёr shkak se rejtingu i tyre politik gjendej nё nivelin mё tё ulёt tё mundshёm. Ato do ta kenë tё vёshtirё ta ndryshojnё disponimin e votuesve pёr arsye tё pasojave tё pandemisë por edhe për arsye tё harxhimit tё kapitalit politik dhe mungesёs tё reagimit me kohё nё reformimin e partive me kuadro tё reja dhe politika mё kredibile.
Aq shumё ishte bёrё problem zgjedhja e presidetit tё ri saqё disa parti ishin nё gjendje tё pranojnё edhe njё figurë kundёr dёshirёs sё tyre (qoftё edhe nga ndonjё zarf i diplomatёve të huaj) vetёm e vetёm qё tё evitohen zgjedhjet parlamentare, edhe pse gjasat qё tё pёrsëritej njё skenar i tillё si me rastin e znj. Jahjaga ishin tё vogla, pasi vendet e Quint-it nuk kishin qёndrim unanim rreth kёsaj çёshtjeje.
Nё kёtё rast edhe populli dukej se nuk do ta duronte gjatё njё gjendje tё tillё politike e ekonomike nё Kosovё.
Shpresojmё qё mё nё fund tё kemi njё parlament funksional, tё pёrfaqësuar nga figura tё pjekura, tё pakorruptuara dhe politikisht stabile, nё mёnyrë qё mё nё fund tё ndёrtojmё institucione tё qёndrueshme qё do ta zhvillonin shtetin dhe luftonin varfёrinë e korrupsionin nё Kosovё. /tesheshi.com/
